Pjerin Shoshi

Pjerin Shoshi ka lindur në Tiranë, më 17 Qershor 1985. Ai është diplomuar në Universitetin Bujqësor të Tiranës, në degën: Drejtim Fermash dhe Agrobiznes. Gjithashtu, zotëron 2 (dy) Diploma Masteri Shkencor në Francë, nga Universiteti i Montpellier, në degën: Inxhinjeri Projektesh dhe Politikash Publike, dhe nga Instituti Agronomik Mesdhetar i Montpellier, në degën: Zhvillim Territoresh dhe Projektesh. Aktualisht, z. Shoshi zotëron titullin Doktor i Shkencave nga Universiteti Bujqësor i Tiranës, me temën: Impakti i Instrumenteve Mbështetës në Zonat Rurale në Shqipëri.
Pjerin Shoshi ka kryer një Internship 9-mujor, në Ministrinë e Bujqësisë, Ushqimit, Peshkimit, Çështjeve Rurale dhe Planifikimit të Territorit, në Francë, në kuadër të vlerësimit financiar krahasues, mbi përdorimin e fondeve të Politikës së Përbashkët Bujësore (CAP) në Bashkimin Evropian, ndërmjet Francës dhe Italisë.
Gjatë periudhës Tetor 2016 – Nëntor 2017, z. Shoshi ka punuar si Koordinator në Njësinë e Investimeve Strategjike në Biznes, në Kryeministri. Gjithashtu, gjatë periudhës Dhjetor 2017 – Janar 2022, ka punuar si Drejtor i Programeve të Zhvillimit në Ministrinë e Bujqësisë dhe Zhvillimit Rural.
Pjerin Shoshi ka eksperiencë pune në arsimin publik, si Lektor me kohë të plotë, gjatë viteve 2013 – 2016, në Universitetin Aleksandër Moisiu, në Durrës. Ai ka vazhduar të punojë si Lektor me kohë të pjesshme në Universitetin Mesdhetar të Tiranës, gjatë viteve 2017 – 2020. Gjithashtu, z. Shoshi ka eksperiencë pune 2 (dy) vjeçare si drejtues i departamentit të financës dhe planifikimit strategjik në sektorin privat.
Nga muaji Prill 2022, Pjerin Shoshi punon në Universitin POLIS si Lektor me kohë të plotë, në Fakultetin e Planifikimit, Mjedisit and Menaxhimit Urban, në Departmentin e Planifikimit dhe Menaxhimit Urban.